صمت الحروف | مصر العصرية - جريدة مصر العصرية

جريدة مصر العصرية

سياسية,إجتماعية,ثقافية,اقتصادية,رياضية,فنية-عربية,عالمية,متنوعة,شاملة,تهتم,بنشر,الكلمة,الصادقة,التي تعبر,عن,المعنى,الهادف.

اخر الأخبار

ِِAlexa Rank

Tuesday, March 24, 2020

صمت الحروف | مصر العصرية


أشعار  : عمادالدين العيطة
فوق الرفوف ..
كتابى مركون من زمن
يمكن نساه الزمن ..
وسط الظروف .. ويمكن
مكتوب لى أشوف ..
دمعة شجن .. مليانة خوف
وفرح على سطرى إتسجن
جوة كتابى من زمن ..
فوق الرفوف !!

مديت إيديا ع الكتاب
لقيت عذاب مالى الرفوف
واقف صفوف مالى المكان
وقصة حنان من زمان ..
كتبتها وسط السطور
وبروزتها بورق الزهور
ورسمت على شط البحور ..
قصر ومكان ..
ونسيت إن ليل الزمان
مسيره يجى يملى المكان
صمت وظلام ومن الألام
يتقتل  .. صوت الكلام

وفى صمت الحروف
سكون وخوف  .. وأحزان
وبين الحروف تاه المكان
حتى صمتى .. والسكوت
مبقتش عارف له حدود
ولاحتى عارف له أوان
يمكن زمان الكلام ..
 فى الحب راح من زمان
أو يمكن قلوبنا ماتت
من غدر الزمان
والحنان إتحترق
وعمرنا منا إتسرق
حتى الأمان هجر القلوب
يادوب .. يادوب
حروفه مكتوبة ع الورق
واللى فى وعوده صدق
دمع على خدى سبق
وهو اللى بان
ياطير الحزن كفاية روح
أنا ليلى مليان بالجروح
حتى البكى من إشتكى
ومن كتر ألوان العذاب
قفل الكتاب وسابه ..
مركون ع الرفوف ..
من زمان
عماد الدين العيطة

No comments:

Post a Comment